Tuwing Agosto ay ipinagdiriwang ang Pambansang Buwan ng Wika sa Pilipinas. Sa taong ito, pinagtibay ng kalupunan ng mga komisyoner ng Komisyon ng Wikang Filipino ang kautusan na nagpapahayag na ang tema para sa taong 2019 ay “Wikang Katutubo: Tungo sa Isang Bansang Filipino.” Bilang pakikiisa sa proklamasyon ng United Nations Educational, Scientific and Cultural Organization (UNESCO) ng 2019 International Year of Indigenous Languages (IYIL) para sa mabisang pagpapatupad ng pambansang programa para sa tuluyang pagpapaunlad, pagpapayaman, at pagpapalaganap ng mga katutubong wika na makapag-aambag sa higit na kagaingan at kalinangang pambansa ng mga Filipino.

Kaugnay nito, ang Mataas na Paaralang Kanluran ng Lungsod ng Pasay, sa pagtutulungan ng mga guro sa Junior at Senior High School, ay nagsagawa ng iba’t ibang patimpalak na naglayong mapahusay ng mga mag-aaral ang kanilang iba’t ibang kasanayan, gayundin ay mapakita ang pagpapahalaga sa mga katutubong wika tungo sa pambansang pagkakakilanlan. Matagumpay na naipamalas ng mga mag-aaral ang kanilang kahusayan sa iba’t ibang larangan ng pagsulat, pagbigkas, pagguhit at pag-arte.

Sa ibaba ay ang mga nagwagi sa bawat baitang iba’t ibang patimpalak:

Nagkaroon din ng iba’t ibang gawaing pansilid ang mga mag-aaral sa Baitang 12 tulad ng Lektyur sa Ortograpiyang Pambansa 2014, Pakikinig sa isang Lektyur-Forum ng mga mag-aaral ng HUMMS na may mga paksang Pagsasaling-Wika, Dayalektong Pangasinense at Mag-ingat sa Syokoy, at pagparada ng mga nilikhang islogan kaugnay ng tema ng pagdiriwang.

Pinarangalan ang mga mag-aaral na nagwagi sa pampinid na programa ng Buwan ng Wika noong Setyembre 2, 2019.